Akademik Milli Dram Teatrında 18-19 may tarixlərndə Bakıda keçiriləcək III Ümumdünya Mədəniyyətlərarası Dialoq Forumuna hazırlıqla bağlı şöbə müdirlərinin iştirakı ilə operativ müşavirə keçirilib.

Müşavirədə teatrın direktou İsrafil İsrafilov çıxış edərək, III Ümumdünya Mədəniyyətlərarası Dialoq Forumunun ölkəmiz üçün əhəmiyyətini vurğulayıb. Direktor onu da qeyd edib ki, ölkənin birinci teatrı olaraq, bizim üzərimizə düşən əsas vəzifə Forum müddətində tamaşaları yüksək bədii, texniki, təşkilati səviyyədə təqdim etmək, ölkəmizə gələn qonaqlara keyfiyyətli mədəni xidmət göstərmək, mədəniyyət və incəsənətimizi layiqli şəkildə təbliğ etməkdən ibarətdir.

Müşavirədə teatrın müvafiq strukturlarına rəhbərlik edən məsul işçilərə Mədəniyyətlərarası Dialoq Forumunun keçiriləcəyi müddət ərzində teatrın fəaliyyətinin səmərəliliyini artırmaq məqsədi ilə bir sıra lazımi tədbirlərin həyata keçirilməsi tapşırılıb.