Azerbaycan Kültür Mərkəzinin və Kamu-Sen İğdır Təmsilciliyinin təşkilatçılığı ilə İğdırda möhtəşəm muğam axşamı keçirildi. Proqramı ilk görüş sözü ilə Kamu-Sen İğdır təmsilcisi Cafər Alakaş açaraq Azərbaycan muğamlarını dünyada geniş yayıldığını və xüsusi ilə Türkiyədə muğama marağın artdığını tədbir iştirakçılarına bildirdi. Cafər bəy İğdırda muğam gecəsinin keçirilməsi Azərbaycan türklərinin sevincinə səbəb olduğunu qeyd etdi.



Sonra Türkiyədə Muğam Fırtınası adlı tədbirlərin təşkilatçısı İzmir Azərbaycanlıları Kültür Mərkəzinin başqanı Camal Mehmetxanoğlu danışaraq hələ mart ayında Norvuz festifalının düzənlənməsindən sonra belə bir fikir ortaya çıxdığını və əsas məqsədlərdən biridə Türkiyədə yaşayan Azərbaycan türklərinin təşkilatlanması və dərnəklərin fəaliyyətinə stimu verməkdir. Camal bəy muğam gecəsinin keçirilməsi iştirakçıların xoşuna gələcəyini bildirdi. Belə bir tədbirlərin Qarsda, Ankarada,İzmirdə, istambulda olacağını qonaqların nəzərinə çatdırdı

Sonra çıxış edən Azərbaycan Respublikasının Qarsdakı Baş konsulluğun nümayəndəsi Rafiq Rüstəmov belə bir tədbirlərin keçirilməsinin alqışladıqlarını və mədəniyyət tədbirləri iki qardaş dövlət arasında bağlılığı daha da güclənməsinə səbəb olduğunu qeyd edərək, təşkilatçılara uğurlar arzuladı.



Sonra Muğam Fırtınası Azərbaycan Akademik və Opera Baletin solisti Mütəllim Dəmirov və 2007 ci ildə Azad Televiziyada yayımlanan Xalq ulduzu yarışmasının iştirakcısı İlahə İbadovanın ifaları davam etdi.