Türkeşin Qarabağ savaşına göndərdiyi türk əsgəri

Qarabağda savaşan türk əsgəri: ”Bəziləri evdə yatarkən, 15-16 yaşında Azərbaycan gəncləri bayraq və torpaq uğrunda şəhid olurdular”

Qarabağda ən ağır döyüşlərdə iştirak edirdik. Həmin bölgədə hardasa 50 nəfər türk əsgəri savaşırdı.

Bu sözləri Qarabağ müharibəsinin ən ağır vaxtlarında qardaş Türkiyədən könüllü gələrək savaşanlardan Abit Öztürk bizimlə xatirələrini bölüşərkən bildirib.

“Bu haqda danışmağa xoşlamıram və hesab edirəm ki, bu bizim qardaş borcumuz idi. Başqa cürə ola da bilməzdir. Mən o zaman Ankara Universitetində təhsil alırdım. Eyni zamanda Ankara Ülkü Ocaklarında sədr müavini idim. Bizə başbuğumuz Alp Arslan Türkeş tərəfindən əmr gəldi ki, Qarabağda vəziyyət gərgindir və orada savaşmalısınız. Həm də özümüz könüllü olaraq savaşmaq istəyirdik və bu haqda böyüklərimizə də məlumatlandırmışdıq. Başbuğumuzun əmri yerinə düşdü və bu əmrdən sonra da Azərbaycana gəldik.

Bundan sonra Atilla, Ahmet, Hamit adlı komandirlərimizin rəhbərliyi altında ağır döyüşlərdə iştirak edirdik”,-deyə A.Öztürk söylədi.

Abit Öztürk onlarla savaşan erməni yox,rus əsgərləri olduğunu bildirdi: “Əmr gələn kimi bizi kamaz maşınları ilə döyüş bölgəsinə gətirirdilər və döyüşlərə qatılırdıq. Azərbaycan ordusu yeni qurulurdu və ona görə də əsas savaşan qüvvələr özünü yerli müdafiə dəstələri, birdə Azəraycan Xalq Cəbhəsinin könüllüləri idi.

Bizim orada olmağımız Azərbaycan könüllərinə çox mənəvi dəstək olurdu. Çünki ermənilərə bütün avropa,rusiya dəstək verirdi. Bizim Azərbaycanlı qardaşlarımızın yanında olmağımız onlara böyük mənəvi-psixoloji dəstək verirdi. Bizə deyirdilər ki, siz posta çıxmayın və savaşa getməyin, sizlərin burada olmağınız bizə yetər. Bu torpaqlarda bizim qanımız axsın ki, torpaqlarımızın dəyərini bilək kimi sözlər deyirdilər.

Onu da bildirim ki, müharibədə 15-16 yaşında Azərbaycan gəncləri savaşırdılar. Onlar bir amal birləşdirirdi, bu torpaqlarda işğala son qoymaq. Bu gün Azərbaycan əsgələri savaşmırdı deyənlərə cavabım odur ki, bu sözü deyənlər evdə rahat yatırkan 15-16 yaşında Azərbaycan əsgərləri torpaq və bayraq uğrunda qəhrəmancasına şəhid olurdular. Canlarından keçirdilər ki, düşmən torpaqları işğal etməsin Mən bu hadisələrin canlı şahidi olaraq bu sözləri deyirəm.

Əgər, sabah yenidən Qarabağ uğrunda müharibə başlayarsa, savaşmağa hazıram və yetər ki, işğal altında qalan Azərbaycan torpaqları azad olunsun”,-deyə A.Öztürk bəyan etdi.