Azərbaycanın hücum diplomatiyasında gənclərin üzərinə xüsusi missiya düşür və bu missiya ölkəmizin layiqincə tanıdılmasına söykənməlidir.



Bu sözləri Ukraynadan Azərbaycan Sayokan Döyüş Növləri Mərkəzinin vitse-prezidenti, Azərbaycan-Gürcüstan Gənclərinin Həmrəyliyi Assosiasiyanın sədri, ölkənin fəal ictimai gənclərindən olan Aqil Acalov Azərbaycan prezidentinin diplomatlarla görüşündə səsləndirdiyi fikirləri şərh edərkən bildirib.



“Azərbaycan prezidenti çıxışında qeyd etdiyi kimi, Azərbaycan həqiqətlərinin dünya ictimaiyyətinə çatdırılmasında hamılıqla birgə çalışmalıyıq. Bu vəzifəsindən aslı olmayaraq, üzərimizə düşən müqəddəs bir vəzifə və amal olmalıdır.

Bu gün diplomatlarımızla bərabər, xaricdə yaşayan və təhsil alan gənclərimiz Azərbaycan həqiqətlərinin dünya ictimaiyyətinə çatdırılmasında özlərini bir diplomat hesab edərək, Azərbaycanı layiqincə təmsil etməlidirlər. Onlar yaşadıqları ölkələrdə insanlarla daha çox ünsiyyətdə olurlar. Bu işdə fəallıq göstərməlidirlər. Nəzərə almaq lazımdır ki, xaricdə yaşayan gənclərimizin böyük bir potensialımızı var. Və bu potensial Azərbaycanın güclənməsinə və daha da inkişafına xidmət etməlidir. Onu da yaddan çıxarmamalıyıq ki, bu gün Azərbaycanın dünyada artan və güclənən mövqeyləri gənclərimizə stimul verir”,-deyə A.Acalov qeyd edib.



Elnur Eltürk