Ahmet Kenan: ”Qarabağda suriya ermənilərinin yerləşdirilməsi təhlükəlidir”



Qarabağda suriya ermənilərinin yerləşdirilməsi bölgədə təhlükəli vəziyyətin yaranmasına gətirib çıxara bilər.



Bu sözləri Türkiyə Böyük Millət Məclisinin Milliyyətçi Hərəkat Partiyasından olan millət vəkili, sabiq sənaye və ticarət naziri Ahmet Kenan Tanrıkulu bildirib.



“Onlar terrorçuluğa meylli toplum olduğu üçün, sabah bunun bölgədə xoşagəlməz vəziyyətin yaranmasına gətirib çıxaracağı şübhəsizdir. Qarabağ məsələsi ilə bağlı aparılan danışaqlara böyük zərbə vura və üstəlik, Ermənistanın mövqeylərinin gücləndirə bilər. Hesab edirəm ki, bu Türkiyə üçün də bir təhdiddir. Hər zaman PKK ilə əlaqədə olan bu toplum Türkiyənin maraqları üçün də ciddi təhlükə yaradır. Bunun qarşısını almaq üçün Azərbaycan və Türkiyə hərəkətə keçməlidir. Bu faktor digər terror təşkilatları üçün bir mənəvi stimul ola bilər”,-deyə millət vəkili qeyd edib.