Uqıtuçılar, jurnal uquçılar qarşında Tatarstan qitap näşriyateneñ Bauman uramındağı maxsus qibetendä “Äti häm min” bäyğesenä yomğaq yasalğannan soñ ciñğän qatnaşuçılarğa büläqlär tapşırıldı



Qazan, Tatar-inform, 14.11.2011 (Ğölnaz Şäyxi) - “Söembiqä” jurnalı Bötendönya tatar qonğressı Başqarma qomitetı, BTQ BQ qarşında eşläp qilüçe “Tatar ğailäse” Fondı belän berleqtä el dävamında “Äti häm min” diğän bäyğe ütqärde. Äleğe qonqursta qatnaşuçılarnıñ sanı bixisap buldı. Uñışlı dip tabılğan yazmalar jurnal bitlärendä urın ala qilde. Uqıtuçılar, jurnal uquçılar qarşında Tatarstan qitap näşriyateneñ Bauman uramındağı maxsus qibetendä näticä yasalğannan soñ ciñğän qatnaşuçılarğa büläqlär tapşırıldı. Berençe urınğa Baulıdan Xämidä İdiatullina, iqençe urınğa Çistaydan Alinä Äzhamova, öçençe urınğa Aznaqaydan Zölxiya Minnexanova laeq dip tabıldı. Äleğe möxtäräm zatlarğa Bötendönya tatar qonğressı isemennän qalfaqlarnı BTQnıñ Fond direqtorı Säriya Zinnätova tapşırdı. BTQ BQ qarşında eşläp qilüçe “Tatar ğailäse” Fondınıñ başqarma direqtorı Miläüşä Ğayfullina da ciñüçelärğä maxsus büläqlär alıp qilğän ide. “Söembiqä” jurnalınıñ baş möxärrire Läysän Yunusova jurnalnıñ diplomnarın tapşırdı, uñışlar teläde. Bu çarağa “Söembiqä”lelär tulı sostavta qilğännär ide. Oçraşuğa qilğän uqıtuçılar üzläre teläğän sorauların citqerdelär, borçığan fiqerlären belderdelär. Bu qiçädä şiğırlär dä, cırlar da yañğıradı.