Bakıda Şimali Kiprdə yerləşən Doğu Akdeniz Universitetinin (DAU) təqdimat mərasimi keçirilib.

Bu barədə mətbuata tədbirin təşkilatçıları məlumat verərək bildiriblər ki, təqdimatda KKTC Bakı təmsilçiliyinin nümayəndəsi Suğra Ələkbərova çıxış edərək qonaqlara Kiprdə universitet həyatından bəhs edib və valideyn olaraq öz düşüncələrini bölüşüb.

Daha sonra universitetin məzunları Aybəniz Hüseyn və Fəxri Qafarlı çıxış ediblər. Onlar DAU-nin həyatlarına və karyeralarına necə təsir etməsi, təhsilin keyfiyyəti və universitetin imkanları barədə ətraflı məlumat veriblər. Universtitet imkanlarından xüsusilə, beynəlxalq akkreditasiyalar, qərb ölkələri universitetlərilə ikili diplom və tələbə mübadiləsi proqramları barədə, həmçinin tələbələrin texniki və praktiki təcrübə imkanları haqqında ətraflı danışıblar.

Tədbirin əsas mövzusu isə iyul ayının 27-dək elektron poçt vasitəsilə ödənişsiz şəkildə təhsil almaq üçün müraciət edən gənclərin arasından seçilən namizədlərin çıxışı və daha sonra tədbirə təşrif buyuran qonaqların səs vermə vasitəsilə seçdiyi namizəd qalib olub.

Qalib Raida Hüseynova seçilib. O, təhsilinin indiki fəaliyyətilə üst-üstə düşmədiyini vurğulayaraq və öz aktiv ictimai fəaliyyəti barədə ətraflı məlumat verərək, namizəd seçilib. Tədbirdə isə müxtəlif ictimai birliklərin, fondların və beynəlxalq təşkilatların layihələrində rəhbər və iştirakçı kimi fəaliyyət göstərdiyi və gələcəkdə ingilis dilini öyrənərək peşəsinə uyğun bir təhsil almaq istədiyini bildirərək, səs çoxluğuna nail olub və qalib seçilib. Hədiyyə qalibə DAU məzunu və təmsilçisi, həmçinin Total Support Group (TSG) şirkətinin təhsil üzrə konsultantı Fəxri Qafarlı tərəfindən təqdim olunub.

Başqa namizədlərə isə DAU-də təhsilə başlamaq istədikdə ilkin ilin ödənişinə 10% endirim təqdim edilən və ayrıca sual-cavabda fəal iştirak edən gənclərə isə 15 avqust tarixində Kiprdə təşkil olunacaq ingilis dili yay kursuna endirim təqdim edilib.

Bu layihəyə dəstək göstərdiklərinə görə, F.Qafarlı əvvəl DAU universiteti rəhbərliyinə, KKTC Bakı təmsilçiliyinə və TSG şirkətinə təşəkkürünü bildirib və və gənclərin gələcəkdə keyfiyyətli və beynəlxalq standartlara cavab verən təhsil almağı üçün DAU universitetinə müraciət etməyi tövsiyyə edib.

Müsahibədə DAU universitetinə qəbulolma şərtləri barədə məlumat verilib və müraciətçilərin avqust ayının sonunadək müraciət etməyə tövsiyyə edilib.

Qeyd edək ki, təqdimat TSG şirkəti tərəfindən təşkil olunub və Şimali Kipr Türk Respublikasının (KKTC) Bakı təmsilçiliyinin rəsmi dəstəyi ilə həyata keçirilib.