Ermənistan bizim torpağımızı işğal edib. Bütün tarixi və mədəniyət abidələrimizi, yaşayış məskənlərimizi yerlə bir eləyib, işğal etdiyi ərazilərimizdə təbii sərvətlərimizi talan edib, insanlarımızı qırıb, Xocalı, Malıbəyli… soyqırımı törədib. Bizə sonu bilinməyən, insanlığa zidd mənəvi zərbələr, maddi ziyanlar vurub. Eyni zamanda elə, Avropa Şurasının özündə də Ermənistan Respublikası kimi zəif iqtisadiyata, zəif insan potensialına malik ölkənin güclü iqtisadiyata və qat-qat böyük insan potensialına malik olan Azərbaycanın ərazilərini işğal edə bilməsinə, Xocalı, Malıbəyli... soyqırımlarını törədə bilməsinə, insanları kütləvi şəkildə “qarışqa kimi” qıra bilməsinə, yaşayış yerlərini, mədəniyət obyektlərini yer üzündən silə bilməsinə inam yox idi. Anma, rus hərbçiləri ermənilərin tərəfində döyüşürdü, rus silahları da bu döyüşçülərin əlində idi. Təsdiqlənmiş faktlara görə, Xocalı, Malıbəyli soyqırımları Rusiyanın 66-cı motoatıcı polku vasitəsiilə törədilib. Axı, Rusiyanın bu soyqırımın törədilməsində maraqları vardır. Çünki Rusiya 1918-ci ildə ermənistanın xalqımıza qarşı törətdikləri soyqırımların yaddan çıxmasını, bu xalqlar arasında münasibətlərin yumşalmasını istəmir. Rusiya istəyir, ermənilərlə türklər arasında soyqırım olayları vaxtaşırı təkrarlansın və heç zaman yaddan çıxmasın. Belə olması üçün o, Ermənistana hər cür yardım və kömək etməyə də həmişə hazırdır, həmişə də eləyib. Ermənistanın son iki prezidenti (Köçəryan və Sərkisyan) Xocalı, Malıbəyli… soyqırımlarını öz komandanlıqları altında törətdiklərini Avropa Parlamentinin sessiyalarında fəxrlə bildirdilər. Bu etirafları ilə onlar Azərbaycanda törətdikləri insanlığa zidd cinayət əməllərində Rusiyanın məsuliyətini Rusiyadan gələn özəl tapşırıqlar əsasında erməni xalqının ayağına yazdılar. Azərbaycana qarşı elədiklərinin erməni xalqının mənafeinə başdan-başa zidd olduğuna, bütövlükdə Rusiyanın mənafelərinə xidmət etdiyinə önəm vermək belə, istəmədilər. Ermənilərin türklərə qarşı törətdiklərinin hamısı bu aspektdə baş verib. Ermənistanı monoetnik ölkə etmək layihəsi də uzaqgörən Rusiya siyasətçilərindən gəlib. Onlar istəyiblər, ermənilərin geniş miqyaslı cinayətləri çox olsun. Bu cür olanda onların ruslardan asılılıqları daha çox olar, rusların ətəyindən daha möhkəm yapışmağa məcbur olarlar. “Monoetnik Ermənistan Respublikası” layihəsinin də fəsadları Ermənistanı gözləmədiyi duruma salacaq. Erməni siyasətçilərini erməni xalqı deyil, vəzifə və sərvət toplamaq düşündürmüşdür. Zaman yetişib. Ermənistan Respublikası vandal əməllərindən ötrü ciddi cəzalandırılmalıdır. O, Azərbaycana qarşı nə üçün müharibə apardığının izahatını verməlidir. Köçəryan və Sərkisyan Uluslararası Haaqa Məhkəməsində cavab verilməlidir. Axı, o zamanlar Dağlıq Qarabağ ermənilərinin həyat şəraiti Ermənistan ermənilərinin, eləcə də Dağlıq Qarabağin sahibi olan bizlərin həyat şəraitindən qat-qat yaxşı idi, həm də Dağlıq Qarabağa “Muxtar Vilayət” status verilmişdi! Onda, Ermənistanın məşəqqətlərlə müşaiyət olunan o boyda hoqqabazlığının məqsədi nə idi? Özgə torpağını işğal etməkmi? Erməni siyasətçiləri bu boyda ağılsız idilərmi?

Mən bir vətəndaş olaraq Ermənistan Respublikasına bizə əsassız olaraq vurduğu tükənməz maddi və mənəvi zərbələrə görə "Laçın dəhlizi" də daxil olmaqla, heç bir güzəşt edilməməlidir. Mehridən keçmək şərtilə Naxçıvandan bu taya yol çəkilməsi üçün biz Uluslararası hüquqlarımızdan, haqlarımızdan istifadə edərək həmin yolu gec-tez çəkə biləcəyik. Buna şübhə ola bilməz. Çünki Mehri bizim tarixi ərazimizdir…