Bunu ictimai xadim Hacı Quliyev “DTV” telekanalında yayımlanan “Tam səmimi” verilişində qonaq olarkən deyib. O, bildirib ki, toyda musiqiçilərin üzərində çox böyük məsuliyyət düşür və hər bir musiqiçi öz məsuliyyətini anlamalıdır:

“Bəzi ailələrdə uşaq doğulduğu gündən valideynləri pul yığmağa başlayır və əhd edir ki, övladının toyu olan zaman filan müğənnini dəvət etsin. Amma nəticədə ailənin bütün arzuları ürəyində qalır. Hər bir valideynin arzusu, istəyi var. İllər keçir, toy vaxtı çatır, amma dəvət olunan müğənnilər fonoqram ifa edir. Bu, düzgün deyil! Musiqiçilər arzusunu gerçəkləşdirmək istəyən ailənin fikirlərinə hörmətlə yanaşmalıdırlar.”

Azərbaycan tamaşaçısının zövqünə dair fikirlərini bölüşən ictimai xadim onu da qeyd edib ki, insanlar musiqi, məkan seçimində zövqlü olmağa çalışırlar:

“Respublikamızda yaşayan insanların dünyaya baxışı əvvəlki kimi deyil. Tamaşaçıların zövqü daha geniş olduğu üçün musiqiçilərin üzərinə böyük məsuliyyət düşür. Ona görə də hər bir şəxs seçimində diqqətli olmalıdır və daha çox peşəkarlara müraciət etsələr müsbət nəticəyə nail olacaqlar.”