Azərbaycanın və Dağıstanın xalq artisti, bəstəkar Elza İbrahimovanın sonuncu bəstələrindən olan mahnını müğənni Həcər Əliyeva ifa edib. O, mahnıya klip də çəkdirib.

Bu barədə …..Az-a danışan müğənni Həcər Əliyeva bildirib ki, sözləri Vahid Əzizə, musiqisi Elza İbrahimovaya məxsus olan “Peşmanam” mahnısına çəkdirdiyi klip izləyənlərin böyük marağına səbəb olacaq:

“Klipdə bir çox hadisələr baş verib. Klipin baş qəhrəmanı izləyənlərin böyük marağına səbəb olacaq. Həmin simanı gizli saxlayırıq.

Klipin təqdimatı dekabrın 2-də Bakıda dəbdəbəli restoranların birində keçiriləcək. Təqdimat mərasiminə dəvət olunacaq KİV, mədəniyyət və incəsənət nümayəndələrinin qarşısında həmin qəhrəmanın kimliyinə və bir çox suallara aydınlıq gətiriləcək.”

Tədbirin təşkilatçısı müğənninin prodüseri Humay Muxtarova da kliplə bağlı fikirlərini qeyd edib. O, ümid edir ki, klip gündəmi zəbt edəcək və daha çox yaddaşlarda qalacaq.



QEYD:

KİV nümayəndələrinin nəzərinə!

2 dekabr saat 15:00-da “NEON” restoranında müğənni Həcər Əliyevanın klip təqdimatına dəvətlisiniz. Tədbirdə şou-biznesin tanınmış simaları, mədəniyyət və incəsənət nümayəndələri də iştirak edəcək.

Tədbirin təşkilatçısı müğənninin prodüseri Humay Muxtarovadır.

ÜNVAN: Nizami rayonu, Mikayıl Əliyev küçəsi 17.