Yeni Nəfəs Hərəkatı Rusiya Nümayəndələyinin rəhbəri Toğrul Allahverdili Azərbaycana səfərə gəlib.







Səfər çərçivəsində nümayəndəlik rəhbəri Qeyri-hökumət Təşkilatlarına Dövlət Dəstəyi Şurasının rəhbəri, millət vəkili Azay Quliyevlə görüşüb. T.Allahverdilinin verdiyi məlumata görə, o, Yeni Nəfəs Hərəkatının bir neçə ayda həyata keçirdiyi işləri hesabat şəklində şura sədrinə təqdim edib. Hesabatla tanış olan Azay Quliyev bütün işlərə görə təşəkkürünü bildirərək, Rusiyada “Şuşaya Azadlıq” kompaniyası ilə maraqlanıb. T.Allahverdili Rusiyada başlatdığı kompaniyanın gələcək istiqamətləri ilə bağlı Azay Quliyevin məsləhətlərini alıb. Sentyabr ayından Rusiya məktəblərində silsilə tədbirlər keçirilməyi, daha çox Rusiya mətbuatında işıqlanmaqla bağlı fikir mübadiləsi aparılıb.







Qeyd edək ki, “Şuşaya Azadlıq” kompaniyası QHT-lərə Dövlət Dəstəyi Şuranın rəhbəri, millət vəkili Azay Quliyevin şəxsi təşəbbüsü əsasında başladılmış və qısa müddətdə dünyanın 20-dən çox ölkəsindən kompaniyaya dəstək gəlmişdir. Rusiyada kompaniya Yeni Nəfəs Hərəkatının nümayəndəliyi tərəfindən dəstəklənmiş və Şuşanın azad olunacağı günə qədər silsilə işlərin həyata keçirələcəyi barədə qərar qəbul olunmuşdur.







“Yeni Nəfəs Hərəkatı” İctimai Birliyi



Mətbuat Xidməti