Gürcüstan Müsəlmanları İdarəsiYeni yaradılmış Gürcüstan Müsəlmanları İdarəsi (GMİ) ətrafında söz söhbətlər səngimək bilmir. Gürcüstan müsəlmanları arasında parçalanma olduğu tək məzhəb müstəvisinə yox, artıq siyasi müstəviyə çıxdı. Dinin dövlətdən ayrı olmasına baxmayaraq dövlət islama nəzarəti ələ keçirmək məqsədi ilə hərəkətə keçdi.



Bu məqsəd üçün vəzifədə çalışan azərbaycanlılardan istifadə edildi. Ən fəal şəxslər Borçalı qubernatorunun müavini Hüseyn Yusifov, Gürcüstan Parlamentinin deputatı Azər Süleymanov (GAK-sədrinin müavini Kamil Əliyevin sözlərinə görə) və kənd təsərrüfatı nazirinin köməkçisi Emil Ocaxquliyev idi.



Məlum GMİ-nin yaradılmasından sonra QMİ-nin nümayəndəsi Əli Əliyevin Gürcüstan Müsəlmanlarının başından alınması prossesinə başlandı.



GMİ-yə Dövlət səviyyəsində xeyir dua verilməsi prosesləri başladı. Bu hərəkətlər ictimai qınaqdan çəkinmədən açıq aşkar həyata keçirildi.



Beləliklə yeni Qapalı Tipli Aksioner Cəmiyyətə bənzər GMİ yaradıldı.



Azərbaycandan müxtəlif mesajlar göndərilməyə başladı. Gürcüstan hakimiyyətinin çəkinmədən İslamı Azərbaycanın nəzarətindən alınmasına eyni ilə açıqcasına sərt mesajlar səsləndi. QMİ rəhbəri Allahşükür Paşazadə Gürcüstan hakimiyyətini böyük Ermənistanın yaradılmasında ittiham etdi və bunu öncədən başlamış İslama qarşı xaç yürüşü adlnadırdı. Azırbaycan tərəfindən adekvat addımların özünü çox gözlətməyəcəyi söyləndi və artıq Azərbaycan xristianlarının müstəqil kilsəsinin yaradılması haqqında planların olması mətbuatda geniş yer alır.



Əslində bu mesajlar gecikmişdi.

Məlum olduğu kimi Əli Babayevin Gürcüstan Azərbaycanlılarının Konqresi adlı QHT-yə qarşı planlaşdırılmış əməliyyatın uğurlu nəticəsi olaraq Əli Babayevin əvəzinə Borçalı qubernatorunun müavini Hüseyn Yusifov gətirilir və yeni yaradılmış GMİ bu əməliyyətın uğurlu nəticəsi kimi qiymətləndirilə bilər. Ancaq hakimiyyət tərəfindən yeni əməliyyatların düzənlənəcəyi isitsna edilmir.



GMİ-nin yaradılmasından sonra açıqcasına mətbüatda parçalanma biruzə verildi. Şiələrin bir qismi yeni GMİ-ni tanımadığını, digər qismi isə yeni şeyxlərini tanımayacaqlarını dedi. Sünnilər isə susmağa üstünlük verdi. Şiələr bildirdilər ki, yeni yaradılmış GMİ-nin başçısı sünni olduğundan sünnilər susdular. Beləliklə arada parçalanmalar baş verdi.



Ancaq yekdil olaraq hamı bildirdi ki, hakimiyyət dini nəzarətə aldı.



Beləliklədə sonluq olaraq GMİ dindarların bir qismi tərəfindən rədd edildi.



Buna baxmayaraq hakimiyyət GMİ-nin başçılarını yüksək səviyyədə qəbul edir və onlara istənilən yardımın göstəriləcəyinə zəmanət verir.



İslamın qeyri müsəlmanlar tərəfindən idarə edilməsi şəriətə görə qəbuledilməzdir. Məs GMİ hal hazırda hakimiyyətin başında duran qeyri müsəlmanlar tərəfindən idarə olunur.



İslami qaydalara uyğun olaraq GMİ necə leqallaşmalıdır ?



- Əvvəla qeyri müsəlmanların idarəçiliyindən qurtulması üçün hakimiyyət nümayəndələri olan müsəlman adlanan birilərinin (GMİ-nin təsisçiləri) GMİ-dən könüllü uzaqlaşmalı.



- Məzhəbləri təmsil edəcək şuranın yaradılması.



- Rayon və kəndlər üzrə idarə heyəti və təmsilçiliklərin yaradılması.



- Ümumi qaydaya və islami təşkilatların təəcrübəsinə uyğun olaraq yeni nizamnamənin işlənib hazırlanması və digər zəruri addımların atılması.



Əgər GMİ gələcəkdə real olaraq müsəlmanlara xidmət etməyəcəksə, əminliklə demək olar ki, onu uğursuzluq gözləyir və bünün nəticəsi olaraq biz Gürcüstanda güclü erməni kilsəsini görəcəyik. Erməni kilsəsinə qarşı qoya biləcəyimiz təşkilat əvəzinə parçalanmış müsəlmanlardan ibarət bir toplum belə çıxara bilməyəcik.



Bu günümüzdə hakimiyyəti təmsil edən məmurlar real olaraq sifarişli və əvvəlcədən hazırlanmış bir oyunun iştirakçılarıdır.



Məmurlar oyuna qatılıblar və üzərlərinə düşən müəyyən planları həyata keçirirlər. Kimiləri deyir ki, danışa bilmirəm çünki vəzifəm imkan vermir, kimiləri danışır amma deyir ki, adımız hallanmasın mətbuatda.



Aralar qarışıb. O dərəcədə qarışıb ki, hakmiyyətin nümayəndələri biri birilərinə qarşı kompromatlar sızdırırlar ki, yuxarılarda daha çox xal toplasınlar.



Borçalıların ümidi demək olar ki, tək Allaha qalıb.



Allah türkün yardımçısı olsun.



Ə.H



www.regionmedia.net üçün.