Tədbir Ulu Öndər Heydər Əliyevin Tbilisi şəhərində ucaldılmış abidəsi önündə əklil qoyma mərasimi ilə başlamışdır. Tədbirin davamı GAK-ın Tbilisi şəhərindəki ofisində konqresin sədri Hüseyn Yusibov açmışdır. Heydər Əliyevin həyat və yaradıcılığı, Gürcüstanla münasibəti ilə bağlı bir çox çıxışlar olmuşdur. Eyni zamanda Ulu Öndərin Gürcüstanla bağlı çıxışları, söylədiyi fikirlər, iki xalqın dostluğuna verdiyi qiymət, gürcü və azərbaycan dilində nəşr olunmuş kitabı tədbir iştirakçılarına təqdim olunmuşdur.



Tədbirdə Azərbaycan Milli məclisində Gürcüstan Parlamenti ilə dostluq qrupunun rəhbəri Qənirə Paşayeva, Gücüstan diaspora nazirinin I-ci müavini İrakli Nadiradze, Gürcüstan Prezidentinin müşaviri Mübariz Qarayev, Gürcüstan Parlamentinin deputatı Azər Süleymanov, Azərbaycanın Gürcüstandaki səfirliyinin nümayəndəsi Şövqü Mehdizadə, tarix elmləri doktoru Quram Marxulia, Gürcüstan Azərbaycanlıları Mədəniyyət mərkəzinin rəhbəri Fazil Həsənov, Gürcüstan Parlamentinin eks deputatı, Gürcüstan Azərbaycanlıları Konqresinin idarə heyətinin üzvü Ramiz Bəkirov, EMBAWOOD şirkətinin baş direktoru Cavid Yolçuyev, SOKAR şirkətinin nümayəndəsi Arif Əliyev, İberia qəzetinin baş redaktoru Gulnaz Abesadze, Reinteqrasiya nazirinin müşaviri Savalan Mirzəyev, Gürcüstan ali məktəb tələbələrinin nümayəndəsi Elida Muxayeva, Trinidad və Tobaqo respublikasının vətandaşı(Cənubi Amerikada ada), Tbilisi Tibb universitetinin tələbəsi Kareem və başqaları cıxış etmişdirlər.



Gurcüstan Azərbaycanlıları Konqresinin mətbuat orqanı olan “Konqres” qəzetinin ilk nömrəsinin işiq üzü görməsi bu xoş günə təsadüf etdiyi üçün tədbirdə qəzetin də təqdimatı olmuşdur. Tədbirdə GAK-ın idarə heyyətinin üzvləri ,“Konqres ” qəzetinin redaksiya heyəti, Tbilisidə təhsil alan azərbaycanlı tələbələr iştirak etmişlər.











www.gak.ge