Bu münasibətlə Azərbaycanlıların Mədəniyyət Mərkəzində gənclərin iştirakılə tədbir keçirildi. Tədbirdə tələbə - gənclərlə yanaşı ziyalılar, müəllimlər iştirak etdilər. Tədbir iştirakçıları 9 aprel hadisələri zamanı Gürcüstanın müstəqilliyi uğrunda mübarizədə şəhid olanların xatirəsini bir dəqiqəlik sükutla yad etdilər. AMM-in sədri Fazil Həsənov bu hadisələrin şəxsən şahidi olduğunu da söylədi. O, hadisələrdə mərdlik göstərən gənclərin ölkənin müstəgilliyi uğrunda qərhrəmancasında mübarizə aparmasından danışdı. ``9 aprelin ildönümünə Azərbaycandan gələn çoxsaylı insanların Rustaveli prospektini Bakıdan gətirilmiş milyondan artıq qərənfillərlə bəzəmişlər. ``Eyni hadisələr daha da qəddarcasına və çox itkilərlə Azərbaycanın paytaxtı Bakıda da baş verdi. Hər iki ölkənin müstəgilliyi qan bahasına qazanıldı. Siz bu gün müstəgil ölkədə yaşayırsınız, bu da bizim xoşbəxtliyimizdir, Siz çalışmalısınız bu müstəgilliyi qoruyasınız və tariximizi mükəmməl öyrənib gələcək nəsillərə çatdırasınız``- Fazil Həsənov bildirdi.

Gürcüstanın və Avropanın Tarixçilər Assosiasiyasının üzvü, AMM nəzdində fəaliyyət göstərən tarix kursunun rəhbəri Nərgiz Nəbiyeva hadisələrin tarixindən ətraflı danışdı. Sovet İmperiyası dağıldıqdan sonra Cənubi Qavqazda baş verən proseslər barədə ətraflı məlumat verdi. Ölkələrin müstəgilliyinin qan bahasına əldə olunduğunu qeyd etdi.

Gənc alim, gürcü dili mütəxəssisi və tərcüməçisi, AMM-in ədəbiyyat kursunun rəhbəri Oqtay Kazımov Cansuq Çarkvianinin sözlərini sitat gətirərək ``Azadlıq aslanlara nəsibdir`` deyərək söylədi ki, azərbaycan və gürcü xalqların hər zaman bir birilərinə dəstək olub, ağır günlərində də bir birinin yanında olublar. Eləcə də Gürcüstan vətəndaşı olan azərbaycanlılar bu hadisələrin iştirakçısı olmaqla yanaşı eyni zamanda gürcü qardaşlarının kədərini bölüşüblər. Cənubi Qafqazı əsarət altında saxlamaq istəyən Sovet İmperiyası daima onları bu təsir altında saxlamağa çalışırdı. Dünya onu da dərk edir ki postsovet ölkələri müstəgilliyi əldə etməklə yanaşı onu qoruyub yaşadırlar, ``tarix boyu Borçalılar dövlətimizə qarşı sədaqətli olublar, ona misal böyük tarixi şəxsiyyət Xudu Borçalını misal çəkmək olar. Mənim fikirimcə bu şəxsiyyət haqqında kitablar yazılmalı, abidə ucaldılmalıdır``-Oqtay Kazımov söylədi.



``Ziya`` qəzetinin redaktoru Nizami Məmmədzadə 9 aprel hadisələrinə həsr etdiyi şeiri oxuyaraq görüş iştirakçılarını təhsirləndirdi və onlara həmin dövrü yenidən yaşatdı.



Azərbaycanlıalrın Mədəniyyət Mərkəzinin təhsil şöbəsinin rəhbəri Mikayıl Mustafayev, ``Region - press`` qazetinin redaktoru Binnət Əlioğlu, gənclərdən Nərgiz Əliyeva və digərləri çıxış edərək öz fikirlərini təəsuratlarını söyləyərək, AMM-nin tarix və ədəbiyyat dərnəyinin fəaliyyət göstərməsinin əhəmiyyətindən danışdılar. Baxmayaraq ki, bu günü iş günü deyildi, onlar toplaşıb Gürcüstanın dövlət müstəgilliyinin bərpası gününü qeyd etdilər və müasir Gürcüstan tarixində aprel hadisələrinin əbədi olaraq müstəgilliyi uğrunda mübarizə günü kimi yer tutacağını vurğuladılar.



Azərbaycanlıların Mədəniyyət Mərkəzinin

Mətbuat xidmətinin rəhbəri: Nərgiz Əliyeva

Gürcüstan, Marneuli şəhəri