Borçalı, APA, 22.10.2010 – Faxralı kənd məscidinin imamı Adil Nəbiyev APA agentliyinə çox maraqlı məlumatlar verib. Onun bildirdiyinə görə, Gürcüstan patriarxı İliya Faxralı məscidinin tikintisinə icazə verib.



Gürcüstanda dini etiqad azadlığı ilə bağlı vəziyyətin acınacalı olması sirr deyil. ABŞ dövlət departamentinin hesabatında bu məsələyə çox ciddi diqqət yetirilmişdir.



Məscidin imamının sözlərinə görə, Patriarxın qərarı onlar üçün şad xəbər olub.



Bəzi informasiya aqentlikləri bu xəbəri olduğu kimi təqdim ediblər. Heç bir agentlik sual verməyib ki, Patriarx nə vaxtdan müsəlman məscidinin tikilməsi və ya tikilməməsini müəyyən edir.



Beləlikə, uzun müddət məscidin tikilməsinə qərar verə bilməyən Patriarxın razılığı sevindirici olub və eyni zamanda məscidlərin tikintisinin xeyir-duasının Patriarxın əlində olması təsdiq edilib.