Gönderen: Azər Həsrət. Tarih: 25 Avq 2010



Məktəblilər



Gürcüstan Azərbaycanlıları Konqresində (GAK) Marneuli rayonunun Axlımahmudlu açıq məktəbinin müəllim heyəti və valideynlərlə görüş keçirilib.



Konqresin mətbuat xidmətindən “Qafqazinfo”ya daxil olan məlumata görə, görüş iştirakçıları GAK sədri Əli Babayevə Axlımahmudlu açıq məktəbinin bu ilki tədris ilindən, heç bir əsas olmadığı halda fəaliyyətinin dayandırılacağı haqqında çıxarılan qərarla əlaqədar şikayətlərini bildiriblər: “Bu gün bizim məktəb bağlanmaq təhlükəsi ilə üz-üzə qalıb. Bu prosesdə biz qanunsuzluqlar görürük. Tələbimiz budur ki, məktəbi hansı əsaslarla bağlamaq istəyirlərsə bizə bu haqda təlimat versinlər”.



Məktəbin direktoru Səyyad Həsənov bildirib ki, bununla əlaqədar Marneulidə yerləşən Azərbaycanlıların Mədəniyyət Mərkəzinə, Azərbaycanın Gürcüstandakı səfirliyinə və Gürcüstanın Elm və Təhsil Nazirliyinə dəfələrlə müraciət edilib, lakin heç bir cavab alınmayıb. O bildirib ki, məktəb bağlanarsa, 20 nəfər müəllim heyətindən yalnız 4-ü Araflı məktəbində işlə təmin ediləcək, qalan 16 nəfər müəllim isə işsiz qalacaq.



Valideynlər isə məktəb bağlanacağı halda uşaqlarını Araflı məktəbinə qoymayacaqlarını deyiblər.



Ə. Babayev isə məktəbin bağlanması üçün heç bir obyektiv səbəbin olmadığını deyib. O, məsələ ilə bağlı elm və təhsil naziri Dmitri Şaşkinlə, Ombudsman Aparatının nümayəndəsi ilə və digər aidiyyatı orqanların nümayəndələri ilə görüşəcəyini bildirib.



Qaynaq: Qafqazinfo.az



KAYNAK: http://www.yalquzaq.com/?p=14923&utm_source=feedburner&utm_medium=email&utm_campaign=Feed%3A+Yalquzaq+%28Yalquzaq.com%29