Noyabrın 12-dən 14-dək İran İslam Respublikasının Həmədan şəhərində Ümumdünya Turizm Təşkilatının (UNWTO) Assosiativ üzvlərinin 40-cı Plenar Sessiyası keçirilir. Tədbirdə Azərbaycanı Bakı Turizm İnformasiya Mərkəzinin direktoru Rüfət Bağırov təmsil edir.



Plenar sessiya çərçivəsində İranın “Mədəni İrs, Sənətkarlıq və Turizm Təşkilatı” ilə birgə “Mədəni turizmin innovasiya və texnologiya ilə qorunması” adlı beynəlxalq seminar təşkil edilib. Beynəlxalq seminarda mədəni turizmin inkişafında, destinasiyaların cəlbediciliyi və rəqabətliliyinin gücləndirilməsində innovasiya və texnologiyanın rolu mövzusunda müzakirələr aparılır.



Tədbir iştirakçılara qarşıya qoyulmuş məqsədlərin icrası üçün illik proqramı müzakirə etmək imkanı tanıyaraq, əməkdaşlıq və birgə təşəbbüslərin qurulması üçün əlverişli mühit yaradır.



Azərbaycan 2001-ci ildən BMT-nin Ümumdünya Turizm Təşkilatının üzvüdür. Bakı Turizm İnformasiya Mərkəzi isə 2011-ci ildən etibarən quruma assosiativ üzv olaraq qəbul edilib.





Dövlət Turizm Agentliyi

Landmark I, Nizami küçəsi 96 E, AZ1000



Dovlet Turizm Agentliyi · Government House · Baku AZ 1001 · Azerbaijan