Sizi, böyük məmnuniyyətlə Bakı şəhərində fəaliyyət göstərən gəlmə turizmi sahəsində ixtisaslaşmış yerli və xarici tur operator və turizm şirkətləri ilə Milli Turizm Təbliğat Bürosunun görüşünə dəvət edirik.



Görüşdə məqsəd gəlmə turizmi sahəsində ixtisaslaşmış yerli tur operatorlar və turizm şirkətləri ilə ölkə turizm ilə bağlı ictimai müzakirələr keçirmək və yeni turist marşrutlarının formalaşdırılması, ölkənin təbliğatı və turist məmnunluğunun artırılması istiqamətində turizm firmalarının qarşılaşdığı problemlər və onların həlli ilə bağlı birgə əməkdaşlıq imkanlarını nəzərdən keçirməkdir.



Görüşdə Mədəniyyət və Turizm naziri Əbülfəs Qarayev, Milli Turizm Təbliğat Bürosunun direktoru Fuad Nağıyev, nazirliyin müvafiq qurumlarının rəhbərləri və 50-dən çox turizm təşkilatının nümayəndəsi iştirak edəcəkdir.



Məkan : Bulvar Hotel, Tağıyev Zalı



Tarix: 08 İyun 2017-ci il



Saat 10:30 – 13:00