Ermənistan Respublikasının prezidentləri nəyə görə Azərbaycan əyaləti olan Qarabağ erməniləri arasından seçilir? Səbəb belədir: Ermənistan-Azərbaycan müharibəsində erməni əli ilə törədilən Xocalı soyqırıımı, Malıbəylidə, Kərkicahanda, Xocavənddə, Daşaltıda, Muğanlıda, Əsgəranda... baş verən qanlı olaylarda Dağlıq Qarabağdan olan Robert Köçəryan, Serj Sərkisyan, Seyran Ohanyan siyasi məqsədlərlə komandir təyin edilmiş, qanlı cinayətlərin törədilməsinə onlar başçılıq etmişlər. Cinayət komandanı Robert Köçəryan kimi eyni missiyanı daşıyan Serj Sərkisyan da Avropa parlamentində: “Xocalı olaylarının, DQR-də baş vermiş bütün olayların komandanı mən olmuşam, onları törətməyimlə fəxr edirəm” deyə Xocalı soyqırımını törədiklərini hamının gözü qarşısında boyunlarına almış, bununla həm də fəxr etdiklərini bildirmişlər. Odur, onlar Ermənistanın prezidenti olduqda öz qanları bahasına olsa da Ermənistanla Azərbaycan arasında sülh bağlanmasına imkan verməməyə çalışarlar. Çünki bu, onların özlərinə və bu işdə marağı olan qara qüvvələrə hava kimi, su kimi lazımdır. Cinayətkar Qarabağ ermənilərinin (hazırda Serj Sərkisyan) prezident olmasına nail olan həmin qara qüvvələr onların prezidentlikdən getməsinə imkan verməzlər. Bu işdə erməni xalqının mənafeləri deyil, Qarabağın həmin cinayətkar ermənilərinin, bir də prosesdə uduş gözləyən qara qüvvələrin mənafeləri əsas götürülür. Qarabağın cinayətkar ermənilərinin Ermənistana prezident olmaqda özlərinin və söykənəcəklərinin (qara qüvvələrin) məqsədləri yalnız və yalnız bu niyətlərindən irəli gəlir. Ermənistan Respublikasının, eləcə də onlara arxa duran qara qüvvələrin bu məqsədlərini bizim hər birimiz bilməliyik və həm də aldadılmış sadə erməni xalqı anlamalı, bilməlidir.

26.03.2017

Prof. Dr. Bəhmən SULTANLI