İran hökumətinə bağlı informasiya orqanlarının yaydığı məlumata görə, Şiari adlı dinçi firqə Güney Azərbaycanda geniş formada fəaliyyət aparır. Verilən məlumata görə, bu dinçi firqə vahabilərə yaxındır və şiə məzhəbinin üsullarına qarşı təxribatçı fəaliyyət göstərir. Bu firqə Təbrizin tarixi məhəllələrindən biri sayılan "M" məhəlləsində nizamlı formada tədbir keçirir və bu iclaslarda da Təbrizin bəzi öyrənciləri iştirak edir və oradan alınan ziddi - şiə informasiyalarını nizamlı şəkildə Təbriz universitetlərində yayırlar. Elə bu səbəbə görə, hökumət orqanlarına xəbərdarlıq edilib və onlardan tələb edilib ki, bu sui - qəsd planlarının qarşısı kəskin şəkildə alınsın. Bəzi milli fəalların nəzərinə görə, İranda qeyri - şiə məzhəblərindən olanlara qarşı çox ağır ayrı - seçkilik siyasəti həyata keçirilir. İran rejimi 10 - cu dövr prezident seçkilərindən sonra ixtişaşları yatırmaq üçün İran rejiminə qarşı etiraz aksiyaları keçirənləri dinsizlikdə ittihamlayıb, hətta onları şərləmişdir ki, guya onlar aşurə günü Quranı cırıblar. Hər halda hadisələrin gedişatı belə nişan verir ki, İran rejimi öz müxaliflərin aradan aparmaq üçün dindən öz məqsədi üçün sui - istifadə edir.



Güney Azərbaycanda da öyrəncilərin vasitəsi ilə şiə fəaliyyətin qabartmaqla bir tərəfdən Milli Azadlıq Hərəkatının fəallarını represiya etməyə zəmin yaradır, o biri tərəfdən də Azərbaycanın ərazisində şiə - sünni davası salmaqla İran rejimini zərbə altından çıxarmağa çalışır.



KAYNAK: http://www.azadtribun.net/-75.htm