Indi dünya dəyib bir-birinə. Dünyanın varlığı təhlükə qarşısındadır. İnsan qanı sel kimi axıdılır. Qan axıdan güclülərdir, qanı tökülən zəiflər. Güclü yerində xristian birliyi dayanır, zəif yerində müsəlman dağınıqlığı. Müsəlman dünyasının ən güclü dövləti Türkiyədir. Türkiyə Yer üzünün ədalətli, dünyəvi dövlətlərindən biridir. Bunun sonucudur, dünya xalqlarının Türkiyəyə inamı, rəğbəti durmadan artır. Bu isə, xristian aləmindəki sıradan olan gücləri rahatsızlaşdırır. Odur, onlar Türkiyəninin gəlişməsinin qarşısına sipər çəkmək, onu zəiflətmək üçün var gücləri ilə səfərbər olublar. Özü də bu səfərbərlik dinindən, dilindən asılı olmayaraq Yer üzü insanlarının gözü önündə baş verir. Çox zaman onlar “lazım gəlsə, biz Türkiyənin yanındayıq” deyirlər. Bu, gerçəkliyi təkzib edir, söz olaraq da qalır. Əslində, görünən odur, Türkiyənin gəlişmə hızını gördükdə onların yuxuları ərşə çəkilir. Bu güclərin yuxularını pozan cəhətlərdən biri də Türkiyənin Yer üzündən silinməsi planlaşdırılan və həm də planlı şəkildə həyata keçirilən xalqların yanında olmasıdır. Türkiyəni sındırmaq, çökdürmək üçün tutduqları yollardan biri terrorçuluq yolu, digəri xain niyətlilər vasitəsilə ölkədə qarışıqlıq, başıpozuqluq salmaq yoludur. Terrorçuluq anlamında zamanında yaratdıqları PKK-nın və son zamanlar yaratdıqları İŞİD-in hizmətlərindən son dərəcə yüksək həddə yarınırlar. Doğrudur, insanlığa qənim kəsilmiş bu terrorçu təşkilatlar Allahın iradəsilə Türkiyəni çökdürə bilməyəcəklər. Ancaq özlərinin “İnsan haqları”, “demokratiya” hayqırtılarının insanları aldatmaq hiyləsi olduğunu bütün Yer üzünə açıqca nümayiş etdirdilər. Ən acınacaqlı hallardan biri CHP sədri Kamal Qılıcdaroğlunun Türkiyənin bu keçməkeçli günlərində dövlət rəhbərlərinin başını qatması, qarşıda olan ağrılı proseslərdən fikrini yayındırmağa çalışmasıdır. Qılıcdaroğlunun xain niyəti uzaqlardan da görünməkdədir. Nə yaxşı, xalq da Qılıncdaroğlunun xain niyətini anlayır və onu saya salmır. Onun haradan tapşırıq aldığı, kimə söykəndiyi, nəyə görə öz xalqına qənim kəsildiyi çoxları üçün açıq deyil.

Allah Qüdrətli Türkiyəmizi qorusun. Amin!

21.01.2016