Türkiyənin nüfuzlu insanları Bakıya gəlir. Türkiyə Aydınlar Birliyinin və Qarabağ Qeyri-Hökümət Təşkilatları Koalisiyasının birgə təşkilatçılığı ilə “Tarix boyunca Türklərə qarşı erməni xəyanət” mövzusunda elmi praktiki konfrans keçiriləcək.

Tədbir iyunun 18-də saat 10.00-da Gəncliyə Yardım Fondunda təşkil ediləcək. Xüsusilə, tədbirdə iştirak etmək üçün Türkiyənin nüfuzlu idman,elm,mədəniyyət, siyasi xadimləri Bakıya gələcəklər və bu mövzu ətrafında çıxışlar edəcəklər.

Tədbirin təşkilatçılarından olan, Azərbaycan idman ictimaiyyətinin yaxından tanıdığı Yusuf Uncular bildirib ki, konfarsın məqsədi hər iki qardaş ölkənin idman,elm,mədəniyyət və s. müxtəlif sahələri təmsil edən şəxsiyyətlərin bu məsələdə ortaq fəaliyyətini ortaya qoymaqdır.

"Ermənilər tarixboyu türk millətinin başına böyük faciələr açıblar. Bu insanların dili ilə dünyaya mesaj verəcəyik.

Bu hadisəni türk dünyasını çıxartmaq üçün, hər iki qardaş ölkənin tanınmış şəxslərinin bir araya gətirilməsinə çalışırıq. İnanırıq ki, keçirəcəyimiz tədbir bu mənada böyük stimul rolunu oynacaq. Xüsusilə, bu istiqamətdə fəaliyyətlərimizi gücləndirəcəyik",-deyə Yusuf Uncular qeyd edib.