Fərəc Quliyevin 50 illik yubiley tədbiri keçirilib.

Müstəqilliyə imza atan 43 nəfərdən biri, Konstitusiya Aktını hazırlayan 3 nəfərdən biri, Milli Dirçəliş Hərəkatı Partiyasının sədri, Millət Vəkili Fərəc Quliyevin 50 illik yubiley tədbiri keçirilib. Rəsmi və bədii hissədən ibarət olmaqla Xudafərin şadlıq sarayında keçirilən tədbirə 400-dən yuxarı qonaq qatılıb. Dövlət rəsmiləri, millət vəkilləri, partiya sədrləri, yüksək rütbəli zabitlər, incəsənət ustaları, gənclər və jurnalistlərin qatıldığı tədbirdə Fərəc Quliyevin həyatı və fəaliyyəti, o cümlədən MDHP-nin hesabatı sənədli film şəklində qonaqlara təqdim olunub.

Millət Vəkilləri Qənirə Paşayeva, Elxan Süleymanov, Əli Məsimli, Qüdrət Həsənquliyev, Əli Hüseyinli, Fazil Mustafa, Musa Qasımlı, Yevda Abramov, Novruz Aslan, KİVDF-nin prezidenti Vüqar Səfərli, Bakı şəhər Baş Polis İdarəsi Dövlət Yol Polisi İdarəsinin bölmə rəisi Vaqif Əsədov, general Yəhya Əliyev, polkovnik Telman Mehdiyev və bir sıra dövlət, ictimai-siyasi xadimlər çıxış edərək Fərəc Quliyevə öz təbriklərini çatdırıblar.

Tədbirdə Türk dünyasının müxtəlif ölkələrindən təbriklər oxunub və diplomlar, fəxri fərmanlar təqdim olunub.