Hələ 2008-ci ildə 10 milyard dollara yaxın vəsaitin yoxa cıxması haqqında VikiLeaks məlumat yayıb.

Bu sözləri İsveçrə-Azərbaycan Ticarət Təşkilatının sədri, politoloq Elxan Həsənli prezident İlham Əliyevin BP-ni tənqid etməsini şərh edərkən bildirib.

“Həmin dövrdə BP-ə yönəlik tənqidlər ictimaiyyətə açıqlanmadı. Ümumilikdə götürsək, bu cür tənqidi çıxışlar yalnız xüsusi hallarda ictimaiyyətə açıqlanır. Cünki, bu tipli tənqidlər şirkətin etibarını zədələyir, ən başlıcası isə qiymətli kağızlar birjasında şirkətin aksiyaları dəyərdən düşür. Prezidentin tənqidlərindən sonra bu hal müşahidə olunub.

Görünür, BP-Azərbaycan şirkətinin idarəçiliyində ciddi problemlər var. Bu vəziyyətin aradan qaldırılması ücün tənqiddən nəticə çıxarılmalıdır”,-deyə Elxan Həsənli qeyd edib.