Bu sözləri Türkiyədəki Qara dəniz Texnik Universitetinin beynəxalq əlaqələr üzrə doktoru, politoloq Coşqun Topal Azərbaycan prezidenti İlham Əliyevin münaqişənin nizamlanması üçün 20 ildir ki, beynəlxalq vasitəçi qrup fəaliyyət göstərməsini və amma heç bir nəticənin olmaması ilə bağlı fikirlərini şərh edərkən bildirib.



“Cənubi Qafqaz bölgəsində vəziyyət gərgindir. Hər an bir qığılcım vəziyyəti daha da gərginləşməsində səbəb ola bilər. Dünya və Ermənistan rəhbərliyi bir şeyi dərk etməlidir ki, Azərbaycan öz torpaqlarının işğal altında qalmasına heç bir zaman razı olmayacaq. Prezident İlham Əliyevin intensiv yürütdüyü diplomatiya və verdiyi bəyanatlar Qarabağ məsələsinin qısa müddətdə həll olunmasına hesablanıb. Azərbaycan bütün beynəlxalq tədbirlərdə Qarabağ məsələsini həll edilməsinin vacibliyini dilə gətirir. Üstəlik, bununla yanaşı olaraq, Azərbaycan hərbi potensialını gücləndirir. Bu Ermənistan üçün bir siqnal olmalıdır. Ermənistan siyasətçiləri müharibənin erməni xalqı üçün hansı fəlakətlər gətirəcəyini dərk etməlidirlər”,-deyə politoloq qeyd edib.