Ermənistan nə zamana kimi, sülh və barışdan yana olduğunu səmimi şəkildə ortaya qoyacaq, xüsusilə də işğal olunan Qarabağ torpaqlarından geri çəkildikdən sonra Ermənistana qarşı münasibət dəyişə bilər.



Bu sözləri Türkiyə Böyük Millət Məclisinin üzvü, Qara Dəniz İqtisadi Əməkdaşlıq Təşkilatı Parlament Assambleyasında Türkiyə nümayəndə heyətinin rəhbəri, Dr. İsmayil Safi Ermənistanın Müstəqillik günü ərəfəsində bu ölkənin Milli Statistika Xidməti 2012-ci ilin yanvarından avqustuna kimi olan müddət üçün ölkəyə gələnlər və ölkədən gedənlər barədə yaydığı xəbəri şərh edəkən bildirib.



“Necə illərdir ki, analitiklər fikir və hesabatlarında qeyd edilər ki, Ermənistan münaqişədə səmimi mövqe ortaya qoymasa, ölkənin vəziyyəti daha da pisləşəcək. Hələ bundan sonra da, bu proses ağırlaşamaqda davam edəcək.

Bu gün Ermənistanın Türkiyə və Azərbaycana qarşı sərgilədiyi təcazvüzkar siyasət, nəticə etibarilə erməni xalqının bütün sosial-iqtisadi həyatını məhv etməkdədir. Bu təcavüzkar və mənfi xətlə yüklənmiş siyasi kurs, sadə ermənilərə çətin və dözülməz həyat bəxş edib. İnsanlar istər-istəməz bu şəraitdən canlarını xilas etmək üçün başqa ölkələrə üz tutmağa məcbur olurlar.

Ermənistan siyasətçiləri ağıllarını başlarına yığmalıdırlar. Onlar dünyada proseslərin hansı istiqamətdə cərəyan etdiyini gerçək praqmatik düşüncə ilə görməlidirlər”,-deyə millət vəkili qeyd edib.