Birlik və bərabər fəaliyyət Azərbaycan diasporunun əsas xəttini təşkil etməlidir.



Bu sözləri Odlar Yurdu İsveç-Azərbaycan Kültür Dərnəyinin sədri Sevinc Bakılı Azərbaycan diasporunun fəaliyyəti ilə bağlı fikrini şərh edərkən qeyd edib.



“Mütəşəkkil və birgə mübarizə aparmaq, azərbaycan diasporunun fəaliyyəti üçün lazımdır və bu yalnız gücümüzə güc qata bilər. Xüsusilə, diasporumuz gənclərimizin potensialından yararlanmalıdır. Bu gün xaricdə çox güclü və savadlı azərbaycan gəncliyi var. Onlar müstəqil düşünür, vətənlərini çox sevirlər. Onların potensialı Azərbaycanımızın tanınması və təbliğatı üçün çox şey verə bilər.

Həmçinin, erməni yalanlarına qarşı hamılıqla birgə mübarizə aparmalıdır. Məhz bunun üçün, dünyanın müxtəlif yerlərində yaşayan bütün soydaşlarımız təşkilatlanmalı və yaşadıqları ölkələrin siyasi-ictimai,mədəni,sosial dairələrinə inteqrasiya etməlidirlər ki, onlar həqiqətlərimizi olduğu kimi çatdıra bilsinlər”,-deyə Sevinc Bakılı qeyd edib.