Ramil Səfərovun beynəlxalq hüquq normalarına görə, Azərbaycana iadə edilməsi və Azərbaycan prezidenti cənab İlham Əliyevin çox doğru bir qərarı ilə Ramil Səfərovu əfv etməsinə cavab olaraq, Ermənistan beynəlxalq arenada yeni böhranlar çıxarmağa çalışırlar və yerli ictimaiyyətə müxtəlif ismarışlar verirlər.



Bu sözləri Türkiyə parlamentinin deputatı, Türkiyə Strateji Araşdırmalar Mərkəzinin (TÜRKSAM) rəhbəri, politoloq Sinan Oğan Ermənisanda Dağlıq Qarabağ separtçı rejimin müstəqilliyinin tanınması və müharibə çağırışları ilə bağlı səslənən fikirləri şərh bildirib.



“Ermənistan bir yandan lazım olarsa Azərbaycanla müharibə aparacağını irəli sürür, digər yandan da işğal etdiyi Dağlıq Qarabağın tanınması yönündə bəzi addımların atılması istiqamətində hərəkətlilik görülməkdədir.

Son olaraq Ermənistan hakimiyyətinin iqtidar ortağı olan Miras partiyası tərəfindən məclisin gündəminə gətirilən bu qanun layihəsinin tanınma ehtimalının zəif olduğunu düşünürəm. Çünki, bu proses baş verərsə, onda bu vəziyyətdə Ermənistan Qarabağın işğalını öz tərəfindən həyata keçirildiyini açıq etiraf etmiş olacaq. Bildiyiniz kimi İrəvan hakimiyyəti Dağlıq Qarabağı özü tərəfindən işğal etmədiyini irəli sürməkdədir”,-deyə Sinan Oğan qeyd edib.



Millət vəkili belə bir vəziyyətin yaranacağı təqdirdə Azərbaycan dövlətinin beynəlxalq hüquq prinsipləri çərçivəsində öz torpaqlarını müharibə yoluya geri almasına şəriat yaradacağını bildirib.



“Ermənistan hakimiyyəti yaxşı bilir ki, Azərbaycan dövləti ilə nə hərbi, nə də iqtisadi olaraq imkanları ölçülə bilməz. Müharibə baş verərsə, Ermənistanın məğlub olması qaçılmazdır. Eyni zamanda, Sarkisyan hakimiyyəti bu yöndə öz ictimaiyyətinə ismarıj verməyə çalışmaqla blef etməkdədir. Ancaq İrəvan hakimiyyəti unutmasın ki, təhlükəli bir oyun oynamaqdadır. Bu blef ipi çəkilmiş bomba kimidir və bomba hər an ermənilərin öz əlində partlaya bilər”,-deyə Sinan Oğan söyləyib.