Amerika dövlətinin Ramil Səfərov məsələsində yanaşması düzgün deyil.



Bu sözləri Amerikada fəaliyyət göstərən Türk Sülh və Ədalət Təşkilatının (Turkish Peace and Justice) başqanı, politoloq Karahan Mete Ramil Səfərovla bağlı Amerika hakimiyyətinin Azərbaycandan izahat istəməsini şərh edərkən bildirib.



“Vaşınqtonun rəsmi Bakıdan izahat istəməsi başa düşülən yanaşma deyil. Yaddan çıxarmaq olmaz ki, Ermənistan Qarabağda qətliamlar törədənərkən dünya ictimaiyyəti onları qınamadı və bu hadisələrin üstündən keçdi. Təkcə, keçən əsrin 70-80 ermənilər nə qədər Türk diplomatlarını qətlə yetirdilər və cinayətkarlara lazım olan cəza verilmədi. Cəzalar verilsə belə, müəyyən vaxtdan sonra azadlığa çıxdılar.

Hesab edirəm ki, amerika mediası güclü işləmək lazımdır və imkan verməməliyik ki,erməni diasporu bundan istifadə edə bilsin. Çünki erməni diasporu media vasitəsilə məsələni gündəmə gətirməyə çalışacaq. Bu gün media bir silahdır və ondan yararlanmalıyıq”,-deyə politoloq qeyd edib.