Hikmet Eren: “Azərbaycan və Türkiyə əlaqələrinin strateji səviyyədə inkişaf etməsi, bəzi qüvvələri narahat edir”



Türkiyə baş nazirinin Azərbaycan səfərində bir çox məsələlərin müzakirə olunması gözlənilir və xüsusilə, bu səfər iki qardaş ölkə arasında əlaqələrin daha da inkişaf etməsinə böyük təsir edəcək.



Bu sözləri Ankaradan Avrasiya İqtisadi Əlaqələr Dərnəyinin sədri, “EkoAvrasiya” dərgisinin baş redaktoru Hikmet Eren Türkiyə baş naziri Rəcəb Təyyub Ərdoğanın Azərbaycana gözlənilən səfərini şərh edərkən bildirib.



“Onu qeyd edək ki, son günlər regionda müxtəlif proseslər müşahidə olunmaqdadır. Həmçinin, axır vaxtlar Ermənistan silahlı qüvvələri cəbhə bölgəsində atəşkəsi müntəzəm olaraq pozurlar və bölgədə vəziyyəti gərginləşdirməyə çalışırlar. Bu Türkiyəni narahat etməyə bilməz və bölgədə sabitliyin yaranması Ankaranın birbaşa maraq dairəsində olan məsələdir.

Azərbaycan və Türkiyə arasında əlaqələrin strateji səviyyədə inkişaf etdirilməsi, Ermənistan başda olmaqla bəzi qüvvələri narahat etməyə bilməz. Məhz, bu əlaqələri pozmaq üçün, müxtəlif fəaliyyətlər ortaya qoyulacaq. Amma, iki qardaş ölkənin inkişafının qarşısını almaq mümkün deyil və bu əlaqələr qırılmaz tellər üzərində qurulub”,-deyə H.Eren qeyd edib.