Abbas Ucar: “Özbəkistanın KTMT-dən çıxması Azərbaycana ən böyük dəstəkdir”



Özbəkistanın Kollektiv Təhlükəsizlik Müqaviləsi Təşkilatından çıxması digər üzv ölkələr üçün presend ola bilər.



Bu sözləri Belçika Qarabağ Mədəniyyət və Həmrəylik Dərnəyinin “BELKAD” başqanı Abbas Ucar Özbəkistanın Kollektiv Təhlükəsizlik Müqaviləsi Təşkilatından çıxmasını şərh edərkən bildirib.



“Onsuzda bu qrupa üzv olan ölkələr öz prespektivlərini bu qurumda görmürlər. Bu günlərdə Kollektiv Təhlükəsizlik Müqaviləsi Təşkilatının baş katibi, rus generalı Nikolay Bordyujanın açıqlaması quruma qarşı narazılıqların artmasına səbəb olacağı şübhəsizdir. Çünki, general müstəqil dövlətlərin yerinə danışaraq, Azərbaycan dövlətinin öz torpaqlarını işğaldan azad edəcəyi təqdirdə qurumun müdaxiləsi ilə bağlı bəyanatına qardaş Özbəkistan dövləti yüksək səviyyədə cavab verdi. Bu onu göstərir ki, Azərbaycan diplomatiyası düzgün yürüdülür və hələ getdikcə geosiyasi vəziyyət Azərbaycanın xeyrinə dəyişməkdə davam edəcək”,-deyə Abbas Ucar qeyd edib.