Çox hörmətli Media Qurumları və İctimai birliklər! Nəzərinizə çatdırırıq ki, 06 mart 2012-ci il tarixdə Kürdəmir rayon Məhkəməsində həbsdə olan hüquq müdafiəçisi və bloqger Taleh Xasməmmədovun cinayət işi üzrə məhkəməsi keçiriləcək.

Bildirmək istəyirik ki, hüquq müdafiəçisinin vəkili Əsabəli Mustafayev prosesdə cinayət işinə xitam verilməsi, həbs-qətimkan tədbirinin dəyişdirilməsi, prosesdə video çəkilişə icazə verilməsi barədə Kürdəmir rayon Məhkəməsinə vəsatətlər verib. Lakin məhkəmə vəsatətləri təmin etməyib.

Qeyd edək ki, Göyçay və Ucar rayonlarında hüquq müdafiəçisi kimi fəaliyyət göstərən T. Xasməmmədov 2011-ci il noyabrın 12-də həbs olunub. O polisin otağında xuliqanlıq etməkdə günahlandırılır və barəsində Cinayət Məcəlləsinin 221.2, 221.3 (xuliqanlıq) maddələri ilə cinayət işi açılıb. Daha sonra isə ona qarşı 315-ci (hakimiyyət nümayəndəsinə qarşı zor tətbiq etmə və ya müqavimət göstərmə) maddəsi üzrə ittiham irəli sürülüb.



Peyman Sadıqov