Bu gün Dünya Azərbaycanlıları Əlaqələndirmə Şurasının mərkəzi ofisində “Xalqxeber.info” saytının fəaliyyətə başlamasına dair mətbuat konfransı keçirilib. İlk öncə Portalın baş redaktoru Peyman Sadıqov saytın fəaliyyəti barədə toplantı iştirakçılarına məlumat verib. O bildirib ki, portalda Azərbaycanın ictimai, siyasi,sosial, iqtisadi və mədəni həyatında baş verən hadiələrlə yanaşı,dünyada olan ən mühim yeniliklər oxuculara çatdırılır: Bundan başqa portal “Facebook” sosial şəbəkəsində ən aktiv fəaliyyət göstərən saytlardandır”. Baş redaktorun sözlərinə görə, çox insan saytla bağlı məlumatları, ötürülən xəbərləri sosial şəbəkələr vasitəsilə ala bilir.

Saytın fəaliyyəti haqqında danışan DAK- Qadınlar Şurasının sədri Dünyaxanım Əliyeva bildirib ki, əsas diqqəti saytın qısa vaxtda böyük oxucu auditoriyası qazana bilməsinə yönəldib. O bildirib ki, bu çox böyük uğurdur. Düşünürəm ki, portalın ən böyük özəlliyi informasiya yayarkən etik qaydalara əməl olunması və operativliyin qorunmasıdır.

O bildirib ki, Xalqxeber.info portalının yaranması son illərdə Jurnalsitika fakultəsində canlanma yaradıb. Dünyaxanım Əliyeva portalın informasiyanı necə yayması haqqında da fikirlərini bildirib: “ Xalqxeber.info həm də qərəzsiz, tərəfsiz, vicdanlı xəbərin necə olduğunu nümayiş etdirir”.

Daha sonra söz DAK-Ağsaqqallar Şurasının sədri Babaxan Muradova verilib. O portalın yaranması ilə gənclərimiz öz fikirlərini sərbəst ifadə edə bildiklərini deyib. Xalqxeber.info-nun oxucusu olan Türk Xalqları Ümumdünya Assambleyasının (TXÜA) I vitse-prezidenti akademik Yəhya Yusif Caniyar saytın qərəzsiz olmasını bəyəndiyini bildirib: “Gün ərzində 25-30 xəbərlə yenilənən saytda, siyasi xəbərləri də tez-tez oxuyuruq. Əsas məsələ isə portalın bütün informasiyalara qərəzsiz yanaşmasıdır”.

Tədbirdə ictimai xadimlər, QHT rəhbərləri, şairlər, yazıçılar və jurnalistlər portalın fəaliyyəti haqqında fikirlərini söyləyiblər.